Also i muas zuageben gern bin i heint nit aufgstanden, weil i blick da heimreise mit einem weinenden und einem lachenden Auge entgegen:
lachend, weil i mi wieder mal aufs ausschlafen freu, es kaum erwarten kann wieder a guats imster wasser zu trinken und a da Jonak Cappuccino geat ma ab um ehrlich zu sein
weinend: weils ma echt es erste mal schwar fallt von an anderm ort abschied zu nehmen - es war uanfach viel zu schian, amal so richtig anschalten und an was anders denken zu kennen - aber uans woas i mit sicherheit - New York hat mi NIT es letzte mal gsechen - de Stadt isch echt a Reise wert!
also doch aufstian, hearichten, zampacken und nach unten in die hotellobby - da han i festgstellt, dass i glab i uane vo die letzten war de unten ankemen isch, ja ok andererseits ham manche doch an kluanen vorteil kapt weil de durchgmacht haben und erst um 7bne zum hotel kemen sein gall Phillip :-)
trotzdem isch no gnuag zeit für an gmiatlichen Kaffee blieben und da bus isch no nit da gwest...also was mach ma in der zeit? - Ausschusssitzungseinladungen der Gilde zu schreiben - Manni sogar in New York mach ma ins gedanken gall - aber du bisch selber schuld wenn so kurz drauf schun die Sitzung machen willsch *gg*.....
Dann isch es eh schun losgangen, da bus isch ums eck kemen, koffer und trommeln samt fahne sein einoackt worden und es war iaz wirklich soweit, dass ma richtung flughafen fahren haben miasn....
....Gepäck aufgeben und Sicherheitskontrollen haben kua Problem dargstellt - hat zwar einige zeit in anspruch gnommen, aber isch alles viel unkomplizierter gangen als mir ins vorgstellt haben....
vorm boarding no a bissi shoppen und was no? - natürlich essen ;-) - es seits ma echt nimme wurscht - i hat - trotz dass i nix gfrühstückt han - kuan bissen mehr achegriagt...schlimm he - dafür hat es 10 Dollar Bier umso besser gschmeckt und a gwirkt gall Helga ;-) (*aberpsssst* - des sag ma niemand ok...)
Also iaz eini in A380 - soll ja ein gewaltiges Fluggerät sein - sagen se.....
....i woas es nit - kanns nit bestätigen aber a nit dagegenreden, weil i han mi kaum angschnallt ket han i a schun gschlafn - bis mi dann eppa aufgweckt hat - da han i mi kurz umgschaut und bemerkt, dass ma glob i schu lang in da luft waren, weil es essen grad kemen isch :-)
dann han i ma denkt schalt i ma an Film ein - aber des hat i ma sparen kennen weil es nächste was i mitgriagt han war "Aufwachn, mir setten ins anschnallen, weil ma iaz glei wieder landen"...
tja so schnell gian 9 Stund um ...... aber mir ham wieder europäischen Boden unter den Füßen....
um 5e in da fria (so ungefähr) umsteigen isch it grad ganz so lustig gwest aber mei - gibt a schlimmeres - eini in nächsten Flieger und es wearts es mir iaz zwar nit glaben aber i han während dem ganzen flug nit gschlafn - i sag iaz besser aber nit dazua, dass der Flug nit viel länger als a halbe stund dauert hat - Flieger isch nach oben, da hama a getränk griagt - und dann isch es wieder abwärts gangen :-)
Was besonderes an dem Flug: Da er so leer war haben eigentlich fast alle vo inserer Reisegruppe an Fensterplatz ket - war a fein :-)
Punkt 8te in da fria (MEZ) sein ma endgültig glandet und bis ma alle auscheckt haben und es gepäck im bus verladen worden isch, isch schu wieder a ganze stund vergangen - aber die busfahrt isch ma echt bevorgstanden - da weg über garmisch war nit grad gar a so kurz und schnell aber isch halt mal so - wie ma die zirler ausglat haben, hats es erste mal wieder wasser geben für mi - SOOOOO LECKER!!!
dann no die Innsbrucker ablanden und in schnellsten weg nach imst finden ...
um uans sein ma dann endlich am rathaus ankemen und gia ma huam? - die meisten schun aber i nit :-)
die uanen wollten ins stüberl wieder mal was richtiges essen (spatzle, rippelen,...) und georg i glob du färbsch ab - was muansch was i gessen han :-) STEAKtoast *hihi*
es war echt ein gemütlicher abschluss im Stüberl - aber bevor i huam gea muas uanfach no an cappuccino vom Jonak hea - des nutzt uanfach nichts - danach war i überglücklich und zufrieden....
...i hoff, dass alle no guat huam kemen sein und dass da jetlag nit all zu schlimm weart :-)
lovely greetings
Keine Kommentare:
Kommentar veröffentlichen